7-9 Noyabr 2018-ci il tarixlərində Brüsseldə Qlobal “Beyin Mərkəzləri” Sammiti keçiriləcəkdir. Sammitdə Hüquqi Təhlil və Araşdırmalar İctimai Birliyi təşkilatın sədri Ramil İskəndərli ilə təmsil olunacaqdır. Tədbir  ABŞ-ın Pensilvaniya Universitetinin “Beyin Mərkəzləri və Vətəndaş Cəmiyyəti Təsisatları” Araşdırma Mərkəzi və Belçikanın “Bruegel” təşkilatı tərəfindən təşkil olunmuşdur. Sammitdə qlobal maraq kəsb edən məsələlərin müzakirəsi üçün tanınmış “beyin mərkəzləri”, araşdırma mərkəzlərinin rəhbərləri iştirak edəcəklər. Tədbirdə əsas çıxışçılar Avropa Komissarı xanım Sesilia Malstrom, NATO Baş Katibinin köməkçisi Tacam İldem olaraq və eləcə də qlobalizasiya çağırışları, iqtisadi millətçiliyin qalxması, kütləvi miqrasiyanın qlobal təsirləri və digər məsələlər müzakirə olunacaqdır.

Araşdırma Mərkəzləri, yeni simalar və yeni ideyalar adlı panel diskussiyası zamanı qlobalizasiya proseslərinin cəmiyyətlərə milli səviyyədə və beynəlxalq qurumlar səviyyəsində təsirinin ölçülməsi meyarları məsələləri beyin mərkəzlərinin rəhbərləri tərəfindən müzakirə olunacağı və müvafiq tövsiyyələrin səsləndiriləcəyi gözlənilir.